UN CONTE MERAVILHÓS : LO GRIFOL DE NADAL

11 décembre 2012

UN CONTE MERAVILHÓS : LO GRIFOL DE NADAL

Ai trovat un pichòt conte de Nadal...

En lengadocian...

UN CONTE MERAVILHÓS : LO GRIFOL DE NADAL

Per Nadal, lo mond culhisson de grifol e lo penjan sovent a la pòrta de l’ostal. Aquela vèlha de Nadal, Maria e sos fraires Pèire e Jacme n’éran anats cercar dins lo bòsc. Justament, n’i aviá de polit ambe de bolas rojas que lusissán coma de pèrlas. Los mainatges s’enfoncèron dins lo bòsc… mas i se perdèron. Avián oblidat que lo papà e la mamà lor avián dit d’anar pas tròp luènh. Trobèron una cabana e i s’anèron metre a l’abric. I fasiá freg e escur. Coma i aviá pas res per far de fuòc, metèron lo grifol dins la chiminèia. Mas... avián pas res per alucar aquel fogal. Tot d’un còp, defòra, vegèron un fuòc que brandava e tot lo torn i se caufavan d’omenets estranhs vestits de mantèls grands. Maria aguèt l’idèia de lor anar demandar un pauc de brasa. Se sarrèt d’eles. Los omenets disián pas res. Lo pus grand l’agachèt e sens que li demandèsse res, li balhèt sa brasa. Maria tornèt a la cabana mas quand arribèt, la brasa s’èra escantida. Tornèt partir veire los omenets e lo pus grand li tornèt balhar sa brasa. Mas aviá l’agach dur e negre. Semblava dire qu’èra lo darrièr còp. Maria tornèt a la cabana mas quand arribèt, aquela brasa s’èra escantida un còp de mai. Volguèt sortir per tonar veire los omenets… mas aqueste còp, i aviá pas res ni deguns. Pas mai de fuòc, pas cap detraça sus la nèu. Cossí far? Malgrat lo freg e la páur, los mainatgesse sarrèron l’un contra l’autre e finiguèron per s’endormir. L’endeman quand se desrevelhèron, la nèu aviá quitat de tombar. E sabètz pas çò qu’èra arribat ? Las boletas rojas del grifol èran vengudas pèrlas e diamants e pampalhetas d’aur! Los tres mainatges tornèron a l’ostal e me podètz creire que faguèron de polits presents als parents qu’avián pas quitat de los cercar tota la nuèit.

La revirada en francés...

UN CONTE MERVEILLEUX: LE HOUX DE NOËL

Au moment de Noël, les gens cueillent du houx et le pendent souvent à la porte de la maison. En cette veille de Noël, Marie et ses frères Pierre et Jacques étaient allés en chercher dans le bois. Justement il y en avait qui était joli avec des boules rouges qui brillaient comme des perles. Les enfants s’enfoncèrent dans le bois… mais ils s’y perdirent. Ils avaient oublié que papa et maman avaient dit de ne pas aller trop loin. Ils trouvèrent une cabane et allèrent s’y mettre à l’abri. Comme il n’y avait rien pour faire du feu, ils mirent le houx dans la cheminée. Mais… ils n’avaient rien pour allumer ce foyer. Tout à coup, dehors, ils virent un feu qui flambaoyait et tout autour s’y chauffaient des petits hommes étranges vêtus de grands manteaux. Marie eut l’idée d’aller leur demander un peu de braise. Elle s’approcha d’eux. Les petits hommes ne disaient rien. La plus grand la regarda et sans qu’elle le lui demandât, il lui donna sa braise. Marie revint à la cabane mais quand elle arriva, la braise s’était éteinte. Elle repartit voir les petits hommes et le plus grand lui donna à nouveau sa braise. Mais il avait le regard dur et noir. Il semblait dire que c’était la dernière fois. Marie revint à la cabane mais quand elle arriva, cette braise s’était à nouveau éteinte. Elle voulut sortir pour revoir les petits hommes… mais cette fois, il n’y avait rien ni personne. Plus de feu, aucune trace sur la neige. Comment faire? Malgré le froid et la peur, les enfants se serrèrent l’un contre l’autre et finirent par s’endormir. Le lendemain, quand ils se réveillèrent, la neige s’était arrêtée de tomber. Et savez-vous ce qui était arrivé ? Les petites boules du houx étaient devenues des perles et des diamants et des paillettes d’or. Les trois enfants revinrent à la maison et vous pouvez me croire qu’ils firent de beaux cadeaux à leurs parents qui n’avaient pas arrêté de les chercher toute la nuit.

Posté par chrisfons à 22:12 - Commentaires […] - Permalien [#]